coppicing-course-at-BMC

Mewn partneriaeth â Grŵp Colegau NPTC

1 flwyddyn academaidd, llawn amser @ Troed-yr-Harn a choetiroedd lleol eraill o amgylch Talgarth

Mae ein cwrs Sgiliau Gwaith Coed Gwyrdd a Bondocio Cynaliadwy yn gyfle i ddatblygu eich gwaith mewn coetiroedd a gwaith coed.

Beth fyddaf yn ei ddysgu?

Mae bondocio yn ddull a all gynyddu bioamrywiaeth coetiroedd, yn ogystal â darparu ffynhonnell gynaliadwy o bren ar gyfer cynhyrchion coed gwyrdd ac ynni.

Bydd y cwrs galwedigaethol hwn yn rhoi profiad o ddysgu ymarferol yn yr awyr agored yn unol â theori ystafell ddosbarth er mwyn:

  • Adnabod rhywogaethau coed a’u priodweddau
  • Torri, prosesu a thynnu coedlannau
  • Torri a phrosesu coed hyd at 380mm
  • Croestorri pren gan ddefnyddio llif gadwyn
  • Prosesu deunyddiau coedlannau a chynhyrchion coed gwyrdd
  • Miniogi a chynnal offer llaw gydag ymyl
  • Rheoli achosion o lygredd
  • Monitro a chynnal iechyd a diogelwch

Pam astudio Sgiliau Gwaith Coed Gwyrdd a Bondocio Cynaliadwy?

Bydd Sgiliau Gwaith Coed Gwyrdd a Bondocio Cynaliadwy Lefel 2 CMD yn rhoi’r sgiliau sydd eu hangen arnoch i’ch cychwyn ar eich llwybr i yrfa amrywiol a hwyliog.

  • Symud i Lefel 3 Gwaith Coed Gwyrdd Bondocio
  • Defnyddio’r cymhwyster hwn tuag at ymuno â chwrs israddedig CMD
  • Defnyddio sgiliau trosglwyddadwy ar gyfer cyfleoedd cyflogaeth yn y sector coed a phren

Pam astudio yn CMD?

  • Mae gan diwtoriaid y cwrs brofiad helaeth o sbectrwm eang o fondocio a gwaith coed gwyrdd, gan ddod â thechnegau a gwybodaeth gyfoes.
  • Bydd myfyrwyr heb y graddau angenrheidiol eto (gradd 4/ C neu uwch) yn cael addysg a chymorth ychwanegol i astudio ar gyfer TGAU Saesneg a Mathemateg.
  • Ein Rhaglen CMD 100 awr mewn ecoleg, cynaliadwyedd a sgiliau bywyd.

Faint fydd yn ei gostio?

Ariennir holl ffioedd dysgu ar gyfer addysg bellach yn llawn gan Lywodraeth Cymru ar gyfer pawb waeth beth fo’u hoedran.

Dysgwch am LCA a Grant Dysgu Llywodraeth Cymru.

Bydd rhai costau dewisol ar gyfer offer arbenigol fel a ganlyn:

Sgiliau Gwaith Coed Gwyrdd a Bondocio Cynaliadwy: Esgidiau diogelwch, menig, gêr pen a gwarchodwyr llygaid, trowser llif gadwyn, pecyn cymorth cyntaf personol. Tua £340.

Bydd gennych yr opsiwn i brynu’r rhain eich hun, ymgeisio am grant gennym ni neu eu benthyg gan CMD.

Sut i ymgeisio

Nid oes unrhyw ofynion mynediad, er y bydd angen i chi fod wedi ennill gradd ‘C’ mewn TGAU Mathemateg a Saesneg erbyn diwedd y cwrs os nad ydych chi eisoes wedi gwneud hynny, a gallwn ni eich helpu chi gyda hynny.

Ymgeisiwch nawr >

Cwestiynau

Os hoffech ofyn unrhyw gwestiynau i ni, ymuno ag un o’n sesiynau blasu neu drefnu i gael sgwrs gyda’r tiwtor, anfonwch e-bost atom.

Go to top